Поранешниот италијански фудбалски репрезентативец Паоло Роси почина на 64-годишна возраст, објави La Gazzetta dello Sport. Засега нема информации за околностите на смртта.
Во 1982 година на Светското првенство, Роси стана најдобар стрелец и му помогна на тимот да го освои Мундијалот. Во групната фаза, тој постигна хет-трик со Бразил (3:2), а во финалето постигна еден гол против Западна Германија во победата од 3:1.
Исто така во 1982 година Роси ја доби Златната топка и беше прогласен за најдобар играч на Мундијалот. Италијанецот е вклучен на списокот на ФИФА 100 и на списокот на најдобри фудбалери на 20 век.
Роси одигра 48 натпревари за италијанската репрезентација и постигна 20 голови. Тој играше за клубови како Виченца, Милан, Јувентус, Верона и Перуџа. Со Јувентус двапати ја освои Серија А.