Компанијата Huawei се подготвува во февруари да претстави нов смартфон на преклоп од новата генерација.
Според новите информации, Huawei во февруари 2022 година ќе го претстави новиот смартфон на преклоп со флегшип серијата Mate 50.
Компанијата моментално го тестира сензорот за отпечаток од прст кој е сместен под екранот, како и OLED екранот за следната генерација на смартфони на преклоп.
Се очекува дека ќе има POL-LESS OLED технологија на компанијата Samsung Display поради што екранот ќе биде посветол за 20 до 30 отсто.
Засега во понудата на смартфони на преклоп се Mate X, Mate Xs и Mate X2.
Покрај нив, компанијата подготвува нов смартфон кој ќе се најде на пазарот до крајот на оваа година. Моделот има ист дизајн како Samsung Galaxy Fold и Galaxy Z Fold 2.
