Претседателот на УФЦ, Дејна Вајт, денеска ги нападна младите Американци споредувајќи ги со супериорните Руси.
„Ако Хабиб и неговиот тим дојдат од Дагестан, веројатно за кратко време ќе ја освојат Америка. Денешната генерација на Американци е полна со идиоти и пи*ки, а освен некои групи од југот, никој не би застанал да ја брани оваа земја. Кога гледаме луѓе од други земји, овие момци од Русија се градени поинаку, имаат сосема поинаков менталитет. Станавме меки и слаби“, рече Вајт.
Инаку, првиот човек на УФЦ на Хабиб му понудил неверојатни суми за да се врати во октагонот, но Дагестанецот ги одбил сите понуди бидејќи по смртта на татко му ѝ ветил на мајка си дека ќе се повлече по 29-тата борба.
„Не е лесно да се одбијат понудите од 20, 30, 40 милиони долари, но за мене не е сѐ во парите. Кога решив да заминам, тоа за мене е завршена приказна. Среќен сум и не жалам за одлуката“, објасни неодамна Хабиб.
Да потсетиме, Вајт пред неколку недели објави и видео во кое им се обраќа на обожавателите по 86 часа воден пост и покажа луда трансформација на своето тело.
Вајт потоа ги покажа импресивните фотографии пред и потоа во двеминутно видео што го сподели на X.