Минатата недела, Google ја објави петтата (и најнова) бета верзија на Android 12 за телефоните Pixel, а сега има сигнали што укажуваат на приближен датум на лансирање на стабилното ажурирање на Android 12.
Google рече дека треба да очекуваме објавување на најновата верзија на Android за „само неколку недели“, но никогаш не дадоа точен датум.
Главниот и одговорен уредник на IT магазинот XDAdevelopers на Twitter објави скриншот од интерен документ на Google со детали кога компанијата ќе престане да одобрува верзии на софтверот базирани на Android 10, Android 11 и Android 12. Google мора да одобри било какви софтверско издание за кое производителите тврдат дека ги поминале потребните тестови за компатибилност за испорака со апликациите на Google. За да се осигура дека производителите не продолжуваат само со објавување уреди со постари верзии на Android, Google на крајот ќе престане да одобрува верзии базирани на постари верзии на оперативниот систем Андроид.
Во споделениот документ се наведува кога тоа ќе се случи, и исто така наведува кога Google ќе го објави изворниот код за одредено издание на Android. Според овој документ, Google ќе го објави изворниот код за Android 12 на 4 октомври 2021 година.
Минатата година, Google го објави изворниот код за Android 11 на 8 септември 2020 година, кратко време откако воведе стабилно ажурирање за телефоните Pixel истиот ден. Значи, постои голема шанса да се објави стабилно ажурирање на Android 12 за телефоните Pixel на 4 октомври 2021 година, бидејќи тоа е приближниот датум на објавување на изворниот код за Android 12.
