Земјотрес со интензитет од 7,3 степени според Рихтеровата скала го погоди североисточниот брег на Јапонија, пренесе BBC.
Засега нема информации за евентуални жртви и причинета материјална штета, но издадено е предупредување за појава на цунами.
Околу два милиони домови останаа без напојување со електрична енергија, соопшти Токиската електроенергетска компанија (ТЕПКО).
Јапонската метеоролошка агенција соопшти дека епицентарот на потресот се наоѓал на 60 километри под морето.
Земјотресот го погоди истото подрачје како и во 2011, коГа потрес со интензитет од девет степени доведе до нуклеарна катастрофа во Фукушима.
На социјалните мрежи се појавија снимки направени во моментот кога се случи земјотресот.
