Напаѓачот на португалската фудбалска репрезентација, Кристијано Ронало, налутен и нервозен го напушти теренот по поразот на неговата екипа од Белгија во осминафиналето на ЕУРО 2020.
Камерите забележаа како Роналдо веднаш по натпреварот ја тргна капитенската лента од раката и ја фрли на тревата, а излегувајќи од теренот го повтори потегот и уште еднаш ја фрли лентата шутирајќи ја со ногата.
Колку беше лут Роналдо најдобро покажа и моментот кога еден минувач ја крена лентата од тревата и се обиде да му ја врати на Португалецот, на што тој луто реагираше и со рацете.
Португалија против Белгија во осминафиналето доживеа пораз од 1 : 0 со што го заврши настапот и нема да ја брани титулата што ја освои во Франција во 2016 година.
