Ретка книга која содржи траги од смртоносниот арсен е пронајдена во библиотека во градот Лидс во централниот дел на Англија, пренесува BBC.
Станува збор за книгата „My Own Garden: The Young Gardener’s Yearbook“ објавена вои 1855 година. Нејзините корици се со живописна зелена боја која содржи арсен, тежок метал кој во поголеми количини може да биде смртоносен.
Ријан Ајзек, виша библиотекарка, го видела насловот на оваа книга во меѓународната база на отровни списи. Било направено и тестирање за набрзо да се знае колку точно арсен содржи книгата.
Целта на проектот The Poison Book Project, кој го покрена Меѓународниот институт за конзервација во САД, е да открие различни изданија на историски книги при чие штампање биле користени опасни материјали и тешки метали, како арсен.
„Овој проект е важен и како за помош на библиотеките ширум светот да соработуваат и да откријат како и кога вакви книги биле штампани, како и кои чекори треба да ги преземат за да да се грижат за нив“, рече Ајзек.
„Неверојатно, тешки метали некогаш бил биле во производството на книги како начин за да се добие естетски убава зелена нијанса, а иако луѓето биле свесни дека материите како арсен се штетни, веројатно не знаеле дека постојат начини на кои можат да ги внесат во организмот“, додаде таа. Инаку, во книгата има совети за млади градинари.
Посветата внатре во книгата вели дерка извесна Керолајн Гот ја добила од татка си Вилијам во 1855 година. Двајцата се членови на фамилијата Гот од Лидс која била позната по трговијата со волна.
„Фактот што книгата му припаѓала на семејството Гот само значи дека е дел од историјата на Лидс и дека со внимателна грижа може да остане дел од нашата колекција“, вели библиотекарката.