Романскиот милијардер Дан Петреску, неговата сопруга, синот и пет пријатели загинаа во неделата, кога авионот со кој управувал Петреску, се урна во близина на Милано, пишува Bloomberg.
Петреску, според романските медиуми, е еден од најбогатите луѓе во таа земја, со богатство над 1 милијарда евра.
Во несреќата починале 8 луѓе меѓу кои синот и сопругата на 68-годишниот Петреску. Романското Министерство за надворешни работи ја потврди смртта на седум романски државјани кои имале двојно државјанство.
Малиот авион полетал во неделата кон Сардинија каде живее Петреску и се урнал по само пет минути од полетувањето.
Авионот се запалил по ударот во празна деловна зграда која била во фаза на реновирање.