Шпанскиот магазин Hola! објави дека славниот тенисер Рафаел Надал и неговата сопруга Марија Перело наскоро ќе станат родители.
Иако сè уште нема официјална потврда од Рафаел и Марија, магазинот објави фотографија од нивниот одмор на јахта потврдувајќи ги шпекулациите. Парот сепак сè уште јавно ја нема споделено оваа радосна вест.
Надал и Марија се заедно 17 години, се венчаа пред 3 години. Надал постојано изјавуваше дека сака деца, а сега има можност да се оствари како татко на 36 години. Неговите колеги Роџер Федерер и Новак Ѓоковиќ веќе успешно се остварија како родители и успеаја да остварат значајни успеси во кариерата.
Надал веќе почна со лекување на стапалото, а моментално ужива со семејството и пријателите на јахта.