Марс е четвртата планета од Сонцето со просечна оддалеченост од 227.940.000 км. Нејзиниот пречник изнесува 6.794 км (речиси двојно помал од тој на Земјата), со што, според големината, таа е седмата планета во Сончевиот Систем.
Првото вселенско летало кое ја посетило планетата Марс е „Mariner 4“ во 1965 година, по што следеле уште неколку други, меѓу кои и Mars 2, првата сонда која слетала на Марс. Досега само Американците успеаја да спроведат подолги мисии со ровер на Марс, наречени „Pathfinder“, „Spirit“, „Opportunity“ и „Curiosity“ – кој е единствен кој е уште во функција.
Годинава, на 13 октомври, бевме сведоци на вселенски феномен што последен пат се случил во 2003 година, а наредниот пат ќе се појави дури до 2035 година – Марс беше на најмала оддалеченост од Земјата.
Како и секоја планета во нашиот Сончев Систем, Земјата и Марс кружат околу Сонцето. Но, Земјата е поблиску до Сонцето и затоа е побрза во својата орбита. Земјата прави два круга околу Сонцето, додека во тоа време Марс прави едно такво патување.
Во текот на оваа чудна и (се надеваме) неповторлива 2020 година, вселенските истражувања не запреа, па дознавме многу нови нешта за Црвената планета, како на пример дека мегапоплави се случиле во кратерот Гејл пред 4 милијарди години.
Погледнете што сѐ откривме за Марс во 2020 година:
