Фолкер Штрут, германскиот менаџер кој ги застапува Тони Крос и Тим Вернер, го откри одговорот на најинтересното прашање на фудбалскиот пазар: Колку чини Ерлинг Холанд?
Младиот и генијален напаѓач од Норвешка има договор со Борусија Дортмунд до летото 2024 година, но славниот германски агент во интервју за Sport Bild тврди: „Трансферот на Холанд ќе биде следната година. Клубот што го сака ќе треба за неговото обештетување , провизијата за агентот и плата за петгодишен договор да плати меѓу 250 и 300 милиони евра“.
Штрут не кажува кој ќе биде новиот клуб на 21-годишниот Холанд, но знае кој нема: „Баерн и да ги има тие пари, нема ни да се обиде да го донесе Холанд, иако за тоа се пишува во германските медиуми. Бидејќи во Германија има би избила огорченост кога еден фудбалер би имал годишна плата од 50 милиони евра“.
Агентот, сепак, е убеден дека при изборот на нов клуб, Холанд нема да се води само според висината на платата: „Бидете сигурни дека 10 проценти повеќе или помалку нема да му значат ништо кога ќе одлучи каде да оди. Прв критериум ќе биде клубот да може да ги освои најпрестижните трофеи“.
