Фудбалерот на кипарски АЕК од Ларнака и на репрезентацијата на Македонија, Стефан Спировски, пред дуелите на „Црвено-жолтите“ со Ерменија и Грузија изјави дека долгата пауза нема да биде пречка за да остават добар впечаток на теренот.
– Мораме да го дадеме максимумот, да одиграме квалитетно, како што треба да се игра кога се носи националниот дрес. Мислам дека сме подготвени, некои веќе почнавме со првенства, но ќе видиме. По тоа што го прикажавме во претходните Лига на нации и во квалификациите нѐ става во рангот на фаворити, меѓутоа тоа треба да го покажеме на терен, изјави Спировски.
Изјава - Стефан СпировскиСтефан Спировски: „Треба да го дадеме најдоброто од себе. Подготвени сме, фаворити сме, но тоа треба да го покажеме на терен. Да одиграме како што треба за дресот со националниот грб...“ #НапредМакедонија | #СегаЕНашеВреме | #МКД
Posted by Фудбалска Репрезентација на Македонија on Tuesday, September 1, 2020