Суперкомпјутерот на The Analyst, кој се занимава со спортски анализи, предвиде дека француската фудбалска репрезентација ќе го освои Светското првенство во Катар кое ќе се игра на крајот на годината.
Светското првенство во Катар ќе биде уникатно по многу нешта. Првпат ќе се игра во зима, а на сите натпревари првпат ќе биде домаќин еден град. Се разбира, тоа е Доха.
Откако ќе се дознаат сите учесници на Мундијалот, се прават групни анализи и се даваат прогнози за фаворитите.
Така, суперкомпјутерот на The Analyst излезе со предвидувања за целиот турнир. Користел алгоритам кој илјада пати го симулирал натпреварувањето и пресметал дека Франција е најголемиот фаворит за освојување на светската титула.
Тоа би значело дека Франција ќе стане само третата репрезентација (Италија во 1934 и 1938 година и Бразил во 1958 и 1962 година) која успеала да ја одбрани светската круна откако во финалето во Русија ја победи Хрватска (4:2). Бразил е втор фаворит, а Шпанија трет.