Тренерот на бразилскиот Деспортиву Феровиарија, Рафаел Сориану, е отпуштен откако на натпревар удри судијка со глава во нос.
На полувремето на средбата на петтата бразилска лига меѓу Деспортиву Феровиарија и Нова Венесија се случија немили сцени кога Сориану изнервиран од делењето правда пријде на судиската тројка и почна да ги навредува.
Главниот судија на мечот му покажа жолт картон, што дополнително го разбесни тренерот. Помошната судијка се обиде да го смири, но тој ја удри со глава во нос, па доби црвен картон од главниот судија.
Челниците на клубот веднаш по натпреварот му врачија отказ.
„Се оградуваме од какво било насилство, посебно над жени. Се извинуваме на судијката во името на клубот, а поради тоа што го направи Рафаел Сориану повеќе не е тренер на нашиот клуб“, стои во соопштението.