Секој пат кога ќе го исчистите тепихот со правосмукалка, мислите дека сте ја отстраниле целата прашина и влакна кои се насобрале во него, но всушност сте го исчистиле само површинскиот дел, додека долниот дел од тепихот и натаму е полн со нечистотија.
Звучи неверојатно, но доколку го поминете тепихот со гумен бришач за миење прозорци, иако веќе сте го поминале со правосмукалката - ќе излезе нов бран нечистотија.
Овој генијален трик за чистење теписи го откри Софи Хинчклиф, позната како Mrs Hinch која има и напишано книги за домаќинство.
Бришачот нежно се повлекува шреку тепихот од кој ќе излезат влакна и прашина.
Не ви треба никакво средство, само гумен бришач за миење прозорци.
Жените кои го пробаа овој трик со ентузијазам коментираа:
„О Боже мој, мислев дека мојот тепих е чист додека не го пробав овој трик. Вечерва со бришач ќе ги исчистам сите теписи во куќата“, напишала една жена.
„Тоа е мојот нов партнер за чистење. Сега со бришач постојано ги проверувам теписите“, додава друга.
„Само што го исчистив тепихот на скалите. Излезе уште многу, многу коса“, коментира трета.
