Во организација на фудбалскиот клуб Слободен и Спортско Радио 90,3 в недела (16 јули 2023) од 20 часот ќе се одржи ревијален фудбалски натпревар на стадионот „АМС Реонски Центар“.
„Најавуваме супер евент, со интеракција и предизвици за гледачите - се гледаме на стадионот во Реонски Центар Аеродром!“, објави ФК Слободен на социјалните мрежи.
Фудбалерите на амбициозниот клуб Слободен, кој минатиот месец го прослави својот прв роденден, ќе ги врстат копјата со избраниците на Спортското Радио 90,3, во чиј тим ќе настапат актери, музичари, новинари и уметници.
Влезот на стадионот е бесплатен, а директен пренос од натпреварот ќе оди на YouTube каналот на македонскиот фудбалски јутјубер Matejcho.
Минатата сезона Слободен се натпреваруваше во општинската лига на Кисела Вода (каде гравитираат клубовите од Општина Аеродром) и заврши на 8. место од десет екипи со скор од 4 победи, 1 реми и 12 порази. Во летниот трансфер-период клубот веќе донесе неколку засилувања.
