Вардар второлигашката авантура ја почнува од Дебар

Денеска во просториите на ФФМ беше направена жрепката за новата сезона во македонската Втора фудбалска лига чиј старт е закажан за во среда.

Оваа сезона дефинитивно најголемо внимание привлекува групата Запад каде што за прв пат во својата историја ќе игра Вардар, а друштво му прават трикратниот шампион на Македонија, кратовски Силекс, и двократниот куп освојувач Тетекс.

До синоќа имаше дилеми дали сите 20 клубови ќе учествуваат (по 10 во група) бидејќи Гостивар и Кадино немаа уплатено котизација, додека дебитантот Локомотова од Градско имаше некомплетна документација. Но, сите пробеми до денес се разрешија, па жрепката почна комплетна.

Сезоната почнува в среда на 25 август од 16 часот.

Покрај Вардар, дебитанти во 2.МФЛ се и Локомотива, Беса 1976 и Воска Спорт.