Вечерва во Скандинавија започнува Светското првенство во ракомет за жени. Домаќини на Мундијалот се Данска, Шведска и Норвешка.
Светскиот собир ќе биде отврен со два натпревара во Данска. Репрезентацијата на Украина, која во баражот ја елиминираше Македонија, во Фредериксхавн ќе игра против Бразил, а во Ставангер ќе се сретнат Јужна Кореја и Австрија. Двата натпревара се со почеток во 18 часот. Подоцна од 20:30 ќе играат Норвешка - Гренланд и Шпанија - Казахстан.
Мундијалот ќе се игра во Хернинг, Фредериксхавн и Ставангер (Данска), Хелсинборг и Гетеборг (Шведска) и Трондхајм (Норвешка). Пренос од Мундијалот на територијата на Македонија ќе врши Arena Sport.
Првата фаза, која ќе започне вечерва, ќе заврши на 5 декември. Втората фаза ќе се игра од 6 до 11 декември, а ден подоцна ќе започне нокаут рундата. Големото финале е закажано за 17 декември. Титулата ја брани Норвешка.
Со вајлд карта учествуваат Австрија и Исланд, додека за издвојување е враќањето на светската сцена на Гренланд првпат по собирот во 2001 година. За Гренланѓанките ова ќе биде само второ учество, колку што ќе биде и за Исланѓанките. Инаку, Гренланд летоска стана шампион на Северна Америка откако во финалето ја совлада Канада со 17:15 (9:6 на полувреме).
Група А
Шведска
Хрватска
Кина
Сенегал
Група Б
Црна Гора
Унгарија
Камерун
Парагвај
Група Ц
Норвешка
Јужна Кореја
Гренланд
Австрија
Група Д
Франција
Словенија
Исланд
Ангола
Група Е
Данска
Романија
Србија
Чиле
Група Ф
Германија
Полска
Јапонија
Иран
Група Г
Бразил
Шпанија
Украина
Казахстан
Група Х
Холандија
Чешка
Аргентина
Конго