Објавен е извештај за пет малициозни апликации кои се доста популарни во европските земји.
Овие апликации беа преземени стотици илјади пати и го содржеа банкарскиот тројанец Anatsa. Ги открила компанијата ThreatFabric, која за Bleeping Computer изјавила за кои апликации станува збор.
Најтаргетирани корисници се во ОК, Чешка, Германија, Словачка, Словенија и Шпанија. Најпрво на мета беа само корисниците на Samsung, но подоцна и други.
Станува збор за следните апликации:
1. Phone Cleaner - File Explorer
2. PDF Viewer - File Explorer
3. PDF Reader - Viewer & Editor
4. Phone Cleaner: File Explorer
5. PDF Reader: File Manager
Лажните апликации беа маскирани како апликации за читање PDF-датотеки или чистење на телефонот, и беа така дизајнирани да стигнат до топ листите за нов бесплатен софтвер, што ќе ги зголеми нивните шанси да допрат до повеќе корисници.
Се верува дека тие биле преземени меѓу 150.000 и 200.000 пати пред да бидат отстранети од Play Store, и користеле процес во повеќе чекори за „заразување“ на уредите без интеракција со корисникот. Ако ги имате, избришете ги од телефонот веднаш.