Верстапен: Зад нас е неверојатна година, но секогаш сакаме да бидеме подобри

Ф1
Ф.З.
/ 27.11.2023 / 15:14

Ова беше неверојатна година, изјави старо-новиот светски шампион во Формула 1, Холанѓанецот Макс Верстапен (Ред Бул) по победата на последната трка од Светскиот шампионат во Формула 1 во Абу Даби.

На крајот победи Верстапен со 575 поени, втор е неговиот колега од Мексико - Серхио Перес со 285 поени, а трет е Британецот Луис Хамилтон во Мерцедес со 234 поени.

„Ова беше неверојатна година. Ќе биде тешко да се повтори нешто слично, но оваа година дефинитивно уживавме“, изјави одличниот Холанѓанец.

Трикратниот последователен светски шампион сезонава славеше рекордни 19 пати, а не беше најдобар на само три трки. Во Саудиска Арабија и Азербејџан победи неговиот колега Серхио Перес, додека во Сингапур победи Шпанецот Карлос Саинс во Ферари.

Со неделниот триумф во Абу Даби, Хамилтон стигна до 54. победа во кариерата, претекнувајќи го Германецот Себастијан Фетел на вечната листа на најдобри тркачи. Сега Верстапен е сам на третото место, а пред него се само Британецот Луис Хамилтон (103) и Германецот Михаел Шумахер (91).

„Горд сум на последната трка, морам да им се заблагодарам на сите во Ред Бул“, додаде тој.

Со тоа Холанѓанецот стана првиот во историјата кој ја завршил сезоната со повеќе од 500 поени. Но, само од 2010 година победата се доделува со 25 бодови, а бодовното конто возачите можеа да го зголемат на спринтерските трки, од кои годинава беа шест.

„Секогаш сакате да бидете уште подобри, но да се биде подобар не значи секогаш да победувате и да освојувате титули. Работиме напорно за да имаме конкурентен болид следната сезона. Сигурно другите тимови ќе се обидат да нѐ поразат, но ние сме подготвени за битка. Во меѓувреме ќе уживаме оваа година“, додаде Верстапен.

На крајот тој им се заблагодари на навивачите.

„Беше неверојатно, благодарение на навивачите. Се надевам дека уживавте“, изјави светскиот шампион.

Германецот Михаел Шумахер и Британецот Луис Хамилтон со по 7 титули и понатаму се водечки на листата на светски освојувачи. Аргентинецот Хуан Мануел Фанџо 5 пати беше светски шампион, а Французинот Ален Прост и Германецот Себастијан Фетел по 4 пати.

Верстапен е во друштво на шест возачи кои 3 пати биле светски шампиони, а преостанатите пет се Австралиецот Џек Брабам, Австриецот Ники Лауда, Британецот Џеки Стјуарт и Бразилците Нелсон Пике и Аиртон Сена.

реклама

Зошто не треба да јадеме после 20 часот?

Read more

Полната Месечина викендов ќе донесе промени во кариерата за 5 знаци

Read more

Што предвидува најстариот и најточен хороскоп за втората половина од 2024 година?

Read more

Хороскопски знаци на кои сè ќе им оди од рака од 20 февруари

Read more

Ф1

Проблематична шахта го прекина последниот ден од тренинзите за новата Ф1 сезона

Read more

Ферари го претстави болидот за новата сезона

Read more

Алонсо чека покана од Мерцедес

Read more

Алпин го претстави болидот за новата сезона

Read more
 

Спорт

Динамо против ПАОК во Конференциската лига

Читај повеќе

Милан и Ливерпул имаа среќа во жрепката за осминафиналето на Лига Европа

Читај повеќе

Проблематична шахта го прекина последниот ден од тренинзите за новата Ф1 сезона

Читај повеќе

Марсеј, Спарта и Спортинг во осминафиналето на Лига Европа

Читај повеќе
  • play_arrow

Трипл-дабл за историја на Јокиќ, Дончиќ со 41 поен во победата над Феникс

Читај повеќе
  • filter

Каков татко, таков син: Роналдо се пофали со фотки од теретана

Читај повеќе

Како Нејмар помогна да му се намали казната на Дани Алвес?

Читај повеќе

Зидан е подготвен да го преземе Баерн, но ако го побара Јуве...

Читај повеќе

Дани Алвес осуден на 4,5 години затвор

Читај повеќе