Македонската кошаркарска репрезентација со пораз од Италија го почна последниот дел од квалификациите за пласман на ЕвроБаскетот 2022.
Италијанците ја добија првата четвртина со 25:23, но во втората Македонија направи пресврт добивајќи ја со +4 за на полувреме да се замине со наше водство од 43:41. Во оваа четвртина го имавме и најголемото водство од +8.
Во третата четвртина се играше прилично израмнето, Италија ја доби со еден разлика за во последната да влеземе со минимално водство од 64:63.
Иако четвртата четвртина ја почнавме со тројка, Италијанците направија серија од 9:0 пред сѐ благодарение на расположениот Томазо Балдасо. Тогаш „Аѕурите“ дојдоа и до најголемото водство од +8 со тројките на Ричи и Теситори. Едноставно македонската одбрана во последните 10 минути потвфрли и тука е причината за денешниот пораз од 84:92.
Нашите кошаркари сепак одиграа одличен натпревар во Перм и штета што на крајот не беа наградени со и тоа како потребната победа.
Најефикасен на паркетот беше Ненад Димитријевиќ со 24 поени, а беше и најдобар асистент со 12 асистенции. Кај Италијанците најмногу поени постигна Амедео Теситори, 18. По 3 тројки реализираа Бојан Трајковски, Џампаоло Ричи и Марко Спису.
Наредниот натпревар на Македонија е веќе утре против домаќинот и фаворит Русија од 15:30 часот.
Табела:
- Италија 8 (4-0)
- Русија 6 (2-2)
- Естонија 4 (1-2)
- Македонија 3 (0-3)