Човечка нога нема зачекорено на Марс, но тоа не ги спречи експертите од компанијата Omega во соработка со Европската вселенска агенција (ЕСА) да развијат аналогно/дигитален часовник што го прикажува времето на Марс и на Земјата.
Станува збор за Speedmaster X-33 Marstimer чиј софистициран механизам сокриен во титаниумско куќиште со пречник од 45 милиметри, отпорен на вода (до 30 метри), пишува New Atlas.
За да му укаже на корисникот на двете временски зони, луксузниот часовник поседува симбол на Црвената планета кога е во „марсовски режим“.
На Земјата, соларен ден трае 24 часа и нашите часовници се дизајнирани така да го мерат времето. Ако часовникот има функција за календар, годината ќе ја мапира според должината на Земјата, а тоа се 365 дена.
Еден ден на Марс трае 24 часа, 39 минути и 35.244 секунди, а годината е долга 668.599 марсовски денови.
Почетниот концепт е осмислен од инженерите на ЕСА кои сакале часовник со функции за мисија на Марс. За таа цел ги контактирале вработените во Омега и така е започната соработката.
За најновиот Marstimer часовник треба да одвоите 6.500 евра.