Нормално е понекогаш да не се сложувате со шефот, но постојат и шефови кои делуваат токсично на колегите и со тоа воопшто не ги мотивираат вработените да дадат сѐ од себе. На крајот, тоа може да биде на штета на работата на фирмата.
Освен тоа, ваквите шефови може негативно да влијаат на вашиот напредок во кариерата, но и на секојдневниот живот, дури и на приватниот. Тоа е така бидејќи си заминувате дома со лошо чувство кога излегувате од работа.
Лорна Данинг, тренер за личен и професионален развој во Велика Британија, објасни како да ги препознаете знаците дека си имате работа со токсичен шеф и што може да направите во врска со тоа.
Кои 10 знаци откриваат дека си имате работа со токсичен шеф?
1. Ве омаловажува, исмејува или искажува непристојност и непочитување.
2. Покажува агресивно, луто однесување кон вас, поради што се плашите од неговите реакции.
3. Презема заслуги за вашата работа или се става во центар на внимание.
4. Ве обвинува за неговите грешки.
5. Исклучени сте од состаноци на кои треба да присуствувате за успешно да ја вршите вашата работа.
6. Не сте во можност да носите одлуки во склад со вашата улога на работа или нивото на работен стаж.
7. Несразмерно сте фокусирани на потребите на вашиот шеф наместо на вистинските приоритети во работата поврзани за вашата улога и цели.
8. Ги доведувате во прашање вашите способности во областите во кои некогаш сте се чувствувале сигурно, а вашата самопочит е намалена.
9. Се плашите од последиците кога шефот е незадоволен.
10. Се чувствувате претерано нервозно, анксиозно поради работата.
