Кинеската компанија AnTuTu која стои зад една од најпопуларните платформи за тестирање на брзината на мобилните телефони, објави три интересни листи кои ги покриваат паметните телефони што поминале низ нивниот бенчмарк тест минатата година.
Првата листа ги покажува топ десетте модели според резултатите што ги постигнале на AnTuTu апликацијата. Најдобриот резултат е на iPhone 7 Plus, додека на второто место е iPhone 7 што значи дека A10 процесорот е со врвни перформанси.
Кај Android телефоните, најмоќен е OnePlus 3T кој има Snapdragon 821 процесор. Интересно е дека меѓу најдобрите 10 Android уреди ги нема моделите на Samsung.
За да се најде на листата, секој телефон мора да биде тестиран најмалку 2.000 пати.
