Барселона мора да состави сложувалка од играчи за следната сезона, а Рафиња е дел од неа.
На клубот му требаат околу 180 милиони евра за да може да ги регистрира договорите на Гави, Роналд Араухо и Маркос Алонсо, па дури тогаш може да почне да размислува за враќање на Лионел Меси и доаѓање на нови играчи.
Рафиња, 26-годишниот донесен од Лидс за да ја покрие десната позиција, постигна 10 гола и асистираше на 11 во 44 натпревари оваа сезона, но не ги убеди целосно челниците на клубот дека не можат без него. Се очекува Усман Дембеле да го турне на клупата за резерви. Бидејќи е платен околу 60 милиони евра, а од клубот добива 12 милиони годишно до летото 2027 година, се размислува за негова продажба.
Шпанските медиуми пресметуваат дека клубот до тогаш би требало да потроши околу 100 милиони евра за Бразилецот. Ако го продаде, тоа не би било за помалку од 52 милиони евра, тврдат тие.