Додека цените интензивно растат, многумина бараат начини како барем малку да заштедат на струја и плаќаат пониски сметки. Неретко од незнаење трошиме повеќе отколку што е потребно и сметките за струја ги зголемуваме само поради невнимание.
Најмногу грешиме со уредите кои постојано ги држиме вклучени во струја дури и кога не ги користиме, пишува Guardian. Таквите уреди се нарекуваат енергетски вампири бидејќи трошат енергија континуирано, дури и кога не работат.
Според студија на British Gas, ваквите уреди можат да бидат одговорни за неверојатни 23% потрошена електрична енергија во домаќинството.
За повеќето луѓе најочигледно решение е уредите да ги држат исклучени од струја додека не се користат, а на кој начин може да заштедите на бојлерот, за кој експертите проценуваат дека е еден од најголемите енергетски вампири во домот?
За само еден час работа бојлер со сила од два киловати троши два kWh. Ако бојлерот секој ден работи по два и пол часа, месечно троши вкупно 150 kWh.
На повеќето бојлери температурата е однапред наместена, но за да заштедите термостатот на бојлерот наместете го на економично греење, односно на температура меѓу 50 и 60 степени Целзиусови.
Освен што е непотребни, загревањето вода на 75 или 85 степени Целзиусови предизвикува поголема потрошувачка на струја, но и побрзо пропаѓање на бојлерот и создавање бигор.
Препораките се електричните бојлери редовно да се одржуваат, бојлерот и грејачот да се чистат еднаш годишно. За разлика од другите уреди, бојлерот нема помалку да троши ако постојано се држи исклучен бидејќи водата со секое вклучување мора повторно да се загрева.
Затоа, електричниот бојлер се исклучува сако кога подолго време нема да ви треба топла вода. Според експертите, најмалку троши бојлерот кој е правилно подесен и постојано вклучен.
