Британецот Енди Кари тврди дека дневно пиел по 30 лименки Pepsi повеќе од 20 години и дека трошел повеќе од 8 илјади долари годишно за да го купи овој пијалак. Открил и дека се ослободил од оваа зависност со помош на хипноза.
„Го обожавав вкусот на ладното Pepsi. Ништо не можеше да го надмине и едноставно се навлеков. Бидејќи често работев ноќни смени во супермаркет, шеќерот успеваше да ме држи буден“, изјави тој за South West News Service.
Набрзо станал зависен и не можел да функционира доколку не го пие. Во меѓувреме се здебелил дури 120 килограми и бил изложен на ризик од срцеви заболувања и рак на панкреасот.
И покрај строгата диета и режим на вежбање, благодарение на кои изгубил 12 килограми, тој и натаму бил зависен од Pepsi. Тогаш неговата сопруга Сара решила да контактира со хипнотизерот Дејвид Килмури.
Дејвид наводно го хипнотизирал Енди и после тоа повеќе не чувствувал жед по гореспоменатиот газиран пијалак. Сесијата се одржала онлајн и траела само 40 минути. Енди потоа успеал да изгуби уште 6 килограми за еден месец.
„Сега претпочитам да пијам вода. Мојата сопруга ми рече дека кожата ми изгледа подобро и имам многу повеќе енергија. Немам поим што зборуваше Енди за време на хипнозата, но дефинитивно не сакам повеќе да консумирам Pepsi“, вели тој.
