Фудбалерите на Челси останаа без тренер откако управата на клубот му врачи отказ на Томас Тухел поради лошиот старт на сезоната во англискиот фудбал и Лигата на шампионите.
Пред неколку минути беше објавена вест која го шокираше англискиот фудбал. Томас Тухел доби отказ од клупата на Челзи, што ретко кој можеше да го очекува, иако „Сините“ не блескаат на стартот од новата сезона.
Се чинеше дека Тухел имаше голема поддршка од раководството на клубот. Навивачите имаат голема доверба во него бидејќи пред година и три месеци му го донесе европскиот трон на клубот освојувајќи ја Лигата на шампионите. Сепак, малку ја изгуби довербата.
„Сините“ на официјалниот сајт му се заблагодарија на германскиот стручњак за големиот придонес во изминатиот период.
„Се наближуваат 100 дена од доаѓањето на новата управа која верува дека е вистинско време за промени. Тухел засекогаш ќе има место во историјата на Челси како победник на Лигата на шампионите, европскиот Суперкуп и Светското клупско првенство“, стои во соопштението на Челси.
Клубот повеќе нема да се огласува додека не се најде нов менаџер. Англиските медиуми сè уште не почнале да шпекулираат со имињата и се чини дека беа фатени неподготвени од оваа неочекувана промена.
Пред Челси, 49-годишниот стручњак раководеше со Мајнц, Дормунд и Пари Сен Жермен.