Европскиот првак Челзи настојува веќе ова лето да се засили со норвешкиот голгетер Ерлинг Холанд и подготвен е на Борусија Дортмунд да ѝ плати 175 милиони евра, што би било рекордна отштета во историјата на англискиот фудбал.
Откупната клаузула за 20-годишниот Холанд идното лето би била за 100 милиони евра пониска, но Челзи сака да го искористи моментот кога ниту еден друг клуб не е подготвен да ја плати бараната сума и на тој начин да избегне конкуренти, кои би се појавиле на трансфер пазарот во лето 2022 година.
Британските медиуми јавија дека раководството на Челзи веќе остварило контакт со менаџерот на норвешкиот репрезентативец, Мино Рајола, и оти висината на платата на Халанд нема да е никаква пречка за реализација на трансферот.
Холанд дојде во Борусија Дортмунд во јануари лани за 20 милиони евра од австриски Салцбург и на 59 натпревари постигна 57 голови.
Борусија ова лето веќе договори трансфер на својот играч Џејдон Санчо во Манчестер Jунајтед за 85 милиони евра.
