Секоја година Forbes објавува листа на 400 најбогати Американци. Угледното списание наведува дека оваа година во САД има помалку милијардери од вообичаено поради инфлацијата предизвикана од војната во Украина.
Вкупното богатство на десетте најбогати Американци е 1,1 трилион долари.
Едно од најголемите изненадувања годинава е тоа што основачот на Facebook, Марк Закерберг, по осум години веќе не е на Топ 10 листата. Причината е падот на акциите на Meta, поради што има загуба од 74 милијарди долари.
По пет последователни години и Џеф Безос веќе не е на првото место, на врвот се наоѓа Илон Маск – сега и официјално најбогатиот човек во Америка.
1. Илон Маск. Нето богатство: 251 милијарди долари
2. Џеф Безос. Нето богатство: 151 милијарда долари (намалување од 201 милијарда долари)
3. Бил Гејтс. Нето богатство: 106 милијарди долари (лани: 134 милијарди долари).
4. Лари Елисон. Нето богатство: 101 милијарда долари (лани: 117,3 милијарди долари)
5. Ворен Бафет. Нето богатство: 97 милијарди долари (намалување од 102 милијарди долари)
6. Лари Пејџ. Нето вредност: 93 милијарди долари (лани: 123 милијарди долари)
7. Сергеј Брин. Нето богатство: 89 милијарди долари (лани: 118,5 милијарди долари)
8. Стив Балмер. Нето богатство: 83 милијарди долари (намалување од 96,5 милијарди долари)
9. Мајкл Блумберг. Нето вредност: 76,8 милијарди долари (наспроти 70 милијарди долари лани)
10. Џим Волтон. Нето богатство: 57,9 милијарди долари (намалување од 68,8 милијарди долари).
