ДСЗИ влезе во Токсикологија: Спорните договори за вработување се само со потписот на Иљази

Државниот санитарен и здравствен испекторат извршил контрола на Клиниката за токсикологија во однос на договорите за вработување на лицата за кои постојат тврдења дека дел од нив се без соодветно образование. Од контролата било увидено дека овие договори го содржат само потписот на организациската директорка, Бесија Иљази.

Директорката на Инспекторатот, Рената Младеновска, рече дека согласно законските одредби во однос на потпишувањето на акти, медицинскиот и организацискиот директор имаат заедничка надлежност и кај потпишувањето на договорите за вработување, отказни решенија, јавни набавки.

„Ако овие акти се потпишани само од еден директор, согласно законот за здравствена заштита се сметаат за непотпишани, но, законодавецот не предвидел глоба по ова прашање“, рече Младеновска, додавајќи дека ќе го информираат Министерството за здравство има ингеренции да постапува ако договорите не се валидни, правниот сектор треба да се изјасни.

ДСЗИ претходно забрани лицата кои немаат важечки договори за вработување да работат, откако тие доаѓале на Клиниката со истечени договори на инсистирање на Иљази. На 15 мај, како што информираше Младеновска, договорите биле потпишани со еден потпис.

Клиниката за токсикологија цел месец ја тресеа скандали со лицата, кои и покрај тоа што немаа договори, доаѓаа на работа, а многумина од лекарите јавно се пожалија дека немаат комуникација со организациската директорка, и реално имаат потреба од двајца дипломирани биолози и еден болничар. Кога докторите јавно ја прозваа Иљази дека не соработува со нив, не го зборува македонскиот јазик, не се знае ништо за нејзиното образование, клиниката е во долгови, а во моментот не функционира токсиколошката лабораторија и се снаоѓаат со тестови и со еден лаборант, Иљази ги потпиша договорите за вработување на договорците, и наместо да одговори на критиките, донесе писмена наредба за забрана за докторите да не комуницираат со медиумите. Таа во текот на вчерашниот ден повикала еден новинар во својата канцеларија и дала изјава во која истакнала дека д-р Нико Беќаровски, кој гласно ѝ се спротивстави, е „доктор од времето на друже Тито“. Нагласи и дека разрешениот медицински директор д-р Данил Петровски еден ден пред таа да стане организациска директорка, си ја вработил снаата, а немал можност да го вработи биологот и 18 лица кои со години се вработени таму.

„Ги прекрши сите законски норми, ги држеше да работат без договори и без плати, ги тераше на дежурства и така продолжи до моето доаѓање. Сега кога го решивме нивниот проблем, тоа стана ‘голем проблем’“, додаде Иљази.

Минатата недела, министерот за здравство, Илир Демири не кажа дали осумнаесетте договорци од Токсикологија се стручни, туку рече дека бил загрижен за 18-те семејства кои не добиле плата.

Прашан за тврдења во јавноста дека тие лица не исполнуваат критериуми за да работат таму, министерот рече дека тоа прашање требало да се постави во 2023 година.

Додаде дека го замолил веќе разрешениот медицински директор, Данил Петровски, пред изборите да ги продолжи договорите, но тој одбил. За разрешувањето на Петровски, Демири тврди дека тоа не било политичка кампања, туку биле констатирани неправилности во работата.

И покрај сите поплаки од вработените за организациската директорка на Клиниката, Иљази, министерот изјави дека таа ќе остане на својата позиција сѐ додека не го прекрши законот.

реклама

Рецепт на денот: Пилешко „а ла Тоскана“

Read more

Ангелов бара кружен тек кај збунувачката крстосница со чести сообраќајки во Аеродром

Read more

Кои хороскопски знаци најчесто се разведуваат?

Read more

Алкарас со триумф во Индијан Велс ќе се врати на врвот на АТП листата

Read more

Македонија

750.000 евра народни пари за апанажите на ДПМНЕ, СДС и ДУИ

Read more

Левица: 6 години Преспански договор – сè подалеку од ЕУ, сè поблиску до бугаризација

Read more

Муцунски: Ќе се залагам да ја зацврстиме нашата позиција меѓународно и да создадеме можности за засилен раст и развој

Read more

Миле Јанакиески по 6 години денеска излегува од затвор

Read more
 

Вести

Кина отвори истрага за увоз на свинско месо од ЕУ

Читај повеќе

Путин по 23 години оди во посета на Северна Кореја

Читај повеќе

750.000 евра народни пари за апанажите на ДПМНЕ, СДС и ДУИ

Читај повеќе

Синот на Нетанјаху oд Флорида ја нападна израелската армија, спомна и предавство

Читај повеќе

Левица: 6 години Преспански договор – сè подалеку од ЕУ, сè поблиску до бугаризација

Читај повеќе

Муцунски: Ќе се залагам да ја зацврстиме нашата позиција меѓународно и да создадеме можности за засилен раст и развој

Читај повеќе

Миле Јанакиески по 6 години денеска излегува од затвор

Читај повеќе

Горивата поскапуваат на полноќ

Читај повеќе

Грција, Турција и Кипар горат, температурите и до 45 степени Целзиусови

Читај повеќе