Изминатиов викенд беше богат за македонските фудбалери кои настапуваат во странство бидејќи дури петорица стрелаа прецизно во противничките мрежи, а еден асистираше.
Ерменија
Дефанзивецот Ристо Митревски погоди за 1:2 во последната минута од првото полувреме кога и покрај тоа што неговиот Алашкерт имаше играч помалку дојде во водство на гости кај Арарат. Потоа победи со 1:3. Интересно, ова е втор гол за Митревски откако дојде во Ерменија годинава и тоа по вторпат стрелаше против истиот противник.
(на 2:53)
Романија
Волунтари со минимални 1:0 го совлада Поли Јаши, а нашиот Марко Симоновски во 17. минута го изнуди пеналот по кој беше постигнат голот.
Словачка
Милан Ристовски го постигна голот број 10 во најдобрата словачка лига. Во 83. минута тој ги постави конелните 2:0 за Нитра над Сеница.
(на 3:30)
Турција
Адис Јаховиќ успешно реализираше удар од белата точка во 73. минута кога зголеми на 2:0 за Анталијаспор против Ризеспор. Неговиот тим потоа славеше со 3:1.
Швајцарија
Никола Ѓорѓев со два гола допринесе за високата победа од 5:0 на Грасхоперс над Арау. Тој погоди во 32. и 57. минута.
(на 2:06 и 3:10)
Шпанија
Енис Барди во 67. минута го постигна голот со кој неговиот Леванте поведе со 1:2 на гости кај Еспањол и практично ја најави победата која подоцна заврши со 1:3.
(на 0:47)
