Квалитетот на европските води за капење драматично се подобри во последната деценија, а новиот извештај на Европската агенција за животна средина откри дека скоро 85 проценти од местата за капење се рангирани како одлични.
Годишниот извештај за водата за капење следи скоро 22.000 копнени и крајбрежни места за капење ширум земјите членки на ЕУ, Албанија и Швајцарија во текот на 2021 година.
Велика Британија, бидејќи ја напушти ЕУ, за првпат изостана од извештајот.
Австрија, која е земја без излез на море, е позната по бројните преубави езера и се наоѓа на врвот на листата за најчисти води за капење. Дури 97,7 проценти од нејзините води се прогласени за одлични.
По неа следуваат Малта, Грција, Хрватска и Кипар.
1. Австрија (97,7%)
2. Малта (96,6%)
3. Грција (95,8%)
4. Хрватска (95,7%)
5. Кипар (93,3%)
6. Данска (90,4%)
7. Германија (90,4%)
8. Бугарија (89,8%)
9. Литванија (89,2%)
10. Португалија (88,5%).
Процената ја направена од Агенцијата во соработка со Европската комисија. Локални и национални власти зеле примерок од водите во текот на сезоната на капење и ги анализирале видовите бактерии кои укажуваат на загадување од канализација и чување стока.
Водите се оценети како одлични, добри, доволно добри или лоши, според стандардите на ЕУ.
Пливањето во лоши води може да доведе до болести, ако се проголта вода пливачите можат да доживеат болки во стомакот или дијареја.
Франција имала 99 места за капење оценети како лоши што значи дека мораа да бидат затворени во екот на следната сезона на капење.
