Вчера делегацијата на Барселона замина за САД на летна турнеја, но во авионот го немаше тренерот Чави Ернандес.
Имено, властите на Соединетите Американски Држави му забранија на Чави влез во земјата.
Чави е вакциниран, но не може да влезе во САД поради политички причини. Легендарниот Шпанец во неколку наврати беше во Иран како селектор на катарски Ал Сад и поради тоа не му беше дозволен влез во САД.
Последната посета на Чави на Иран се случи во мај 2019 година кога тој отпатува со Ал Сад во Техеран против Персеполис, а американските власти не дозволуваат влез во земјата на луѓето кои го посетиле Иран во претходните пет години.
Сепак, на Чави, најверојатно, подоцна американските власти ќе му дозволат да влезе во земјата, а дотогаш тимот во САД ќе го водат неговите помошници Серхио Алегре и Оскар Ернандес.
Барселона ќе одигра пријателски натпревари во САД против Интер Мајами (20/7), Реал Мадрид (24/7), Јувентус (27/7) и Њујорк Ред Булс (31/7).