Сите очекуваа шпанското првенство да добие нов лидер по одигрувањето на заостанатиот натпревар помеѓу Барселона и Гранада, но наместо тоа се случи големо изненадување.
Сѐ што требаше да направи Барселона за да го преземе врвот од Ла Лига беше синоќа да триумфира над Гранада. Тоа и го најави одличната акција во 23. минута кога Лео Меси додаде до Антоан Гризман, овој со пируета се ослободи од противничкиот играч и го проигра Меси, кој во меѓувреме се уфрли во шестнаесетникот, и потоа во негов стил ја протна топката во гостинската мрежа.
Но, очигледно гостите не беа дојдени за туку така да ѝ овозможат на Барса да се искачи на врвот. Прво во 63. минута венецуелскиот репрезентативец Дарвин Мачис израмни на 1:1, а во 79-тата ветеранот, 39-годишниот Хорхе Молина со глава заби во мрежата на немоќниот Марк-Андре тер Штеген за водство на гостите од 1:2.
Барселона до крајот не испеа ниту да израмни, па од планирани три бода од овој дуел не освои ниту еден.
Сега сите 20 тимови од Ла Лига имата одиграно по 33 натпревари, а на врвот ситуацијата остана непромената и крајно неизвесна.
Табела:
- Атлетико 73
- Реам Мадрид 71
- Барселона 71
- Севиља 70
