Вкупно 29 од 32 учесници на Мундијалот во Катар се познати, но на натпреварувањето нема да има некои големи имиња.
Квалификациите ни донесоа изненадувања, од кои најголемото секако беше во Палермо, каде Македонија ја елиминира Италија.
Актуелниот европски првак не е единствената сериозна репрезентација која нема да игра на Светското првенство од 21 ноември до 18 декември.
Египет, на пример, вторпат во два месеца загуби од Сенегал на пенали, па во Катар ќе го нема Мохамед Салах.
Исто така, Колумбија не успеа да стигне до баражот, па нивната најголема ѕвезда Луис Диас ќе го следи Мундијалот на ТВ.
Претходно без Мундијалот остана Норвежанецот Ерлинг Холанд, а во проектираниот „идеален“ состав на оние кои не одат во Катар се најдоа и двајца Нигеријци, Виктор Осимен и Вилфред Ндиди.
Вредност на играчи кои не одат на Светско првенство:
Ерлинг Холанд - Норвешка, Борусија Д. (150 милиони евра)
Мохамед Салах - Египет, Ливерпул (100)
Федерико Кјеза - Италија, Јувентус (70)
Николо Барела - Италија, Интер (70)
Џанлуиџи Донарума - Италија, ПСЖ (65)
Милан Шкринијар - Словачка, Интер (65)
Алесандро Бастони - Италија, Интер (60)
Виктор Осимен - Нигерија, Наполи (60)
Вилфрид Ндиди - Нигерија, Лестер (60)
Дејвид Алаба - Австрија, Реал Мадрид (55)
Луис Диас - Колумбија, Ливерпул (45)
На клупата за резервни играчи ќе се најдеа: Јан Облак (Словенија, 60 милиони евра), Марко Верати (Италија 55), Чалар Сојунџу (Турција, 45), Франк Кесие (Брег на Слонова Коска, 45), Лоренцо Пелегрини (Италија, 45), Томаш Соучек (Чешка, 45), Жоржињо (Италија, 45), Мартин Едегор (Норвешка, 40), Ријад Махрез (Алжир, 40) и Едмонд Тапсоба (Буркина Фасо, 40 милиони евра).
