Мобилни

HTC претстави нова верзија на Ultra, со висока цена

20. март 2017 - 16:09 | Д.П.

Денешното „неочекувано изненадување“ од HTC не ги оправда големите очекувања на корисниците, бидејќи компаниајта место очекуваниот HTC 11, претстави полуксузна верзија на фаблетот Ultra. Иако уште во јануари беше познато дека Ultra ќе добие верзија со сафирно стакло на предната и задната страна, HTC реши да направи мала драма од претставувањето.

Поради големата фама што компанијата ја направи пред промоцијата, многумина очекуваа дека ќе го претстават моделот HTC 11. Сепак, фановите се разочарани поради новата верзија на U Ultra фаблетот кој е прогласен за промашување бидејќи за високата цена не нуди ништо посебно.

Оваа верзија има сафирно стакло кој е исклучително отпорен материјал, но и цена од високи 880 евра, што е околу 150 евра повеќе од и онака прескапата класична верзија на смартфонот.

Уредот располага со 5,7 инчен екран, работи на Snapdragon 821 процесор со осум јадра, има 4GB RAM и интерна меморија од 64GB или 128 GB кај сафирната верзија.

Задната камера има 12 мегапиксели и може да снима во 4К резолуција, како и забавени видеа до 120 фрејмови во секунда. Слушалките се конектираат преку USB-C портот, а фаблетот има батерија од 3.000mAh.

Коментирај