Мауро Икарди вели дека преселбата во ПСЖ била по негова желба бидејќи му дошло време да почне да освојува трофеи, нешто што со Интер не успеа да го направи за 6 години.
„Дојдов тука за да играм. Кога доаѓаш со опција за целосен откуп, знаеш дека треба да дадеш сѐ од себе за да го убедиш клубот да те откупи. Ќе видиме што ќе се случи на лето“, вели Икарди за Canal+.
„Шест години поминав во Интер и мојот сон беше да играм во Лигата на шампиони со тој клуб, што и се случи минатата сезона. Но, не освоивме ништо“, Интер тогаш отпадна уште во фазата по групи и тоа поради гол на гости од Тотенхем.
„Помислив дека е време да се преселам во клуб кој победува, некој што може да брка и да освојува титули. Време е да почнам да освојувам трофеи. Вистината е дека ПСЖ е тим полн со шампиони, а тоа е токму она што го барав“, а со оглед на доминацијата на ПСЖ во Франција, титулата во Лиг 1 му е речиси загарантирана. Но, ПСЖ атакува и на Лигата на шампиони.
Со Интер не успеа да освои ниту еден трофеј, дури ни купот. На индивидуален план, беше прогласен за фудбалер на годината 2018 во Италија, а се закити и со наградата за најдобар стрелец во сезоните 2014/15 и 2017/18. Во 2018 ја доби и наградата за најубав гол во Серија А.
„Луѓето ме викаат „убиец“ во шестанесетникот. Секогаш бев спремен да дадам гол во тој простор. Уште од моето деби како многу млад за Росарио, мојата цел и опсесија е да давам голови“, завршува Икарди.
