Третиот тенисер во светот, Норвежанецот Каспер Руд, беше елиминиран во второто коло на Австралија опен. Американецот Џенсон Бруксби беше подобар од него со 6:3, 7:5, 6:7, 6:2.
Бруксби можеше полесно да победи, во третиот сет водеше со 5:2, но Руд успеа да се врати и во тај-брејк да го одведе мечот во четвртиот сет. Сепак, таму 39-тиот играч во светот набрзина направи два брејка и го приведе мечот кон крајот против вториот носител на турнирот и минатогодишниот финалист на Ролан Гарос и УС Опен.
„Прво морам да кажам дека Каспер е неверојатен воин и ова беше вистинска борба. Горд сум на себе за тоа како продолжив да играм откако го загубив третиот сет. Не го изгубив фокусот“, рече 22-годишниот Бруксби.
Со пласманот во финалето на Австралија опен, Руд можеше да го преземе првото место од Карлос Алкараз, кој поради повреда не игра во Мелбурн. Да потсетиме, ден претходно од турнирот се прости првиот носител Рафаел Надал. Повреден, изгуби од Мекензи Мекдоналд.