Познат е составот на македонската фудбалска репрезентација за денешната пријателска пресметка против Ерменија во Струмица.
Селекторот Благоја Милевски синоќа на прес-конференцијата најави дека шанса ќе добијат играчите со помала минутажа, или кои досега не добија можност да заиграат. Според штотуку објавениот состав, токму со таков тим Македонија и ќе истрча.
На голот е Дамјан Шишковски, во одбраната се Висар Муслиу, Никола Серафимов и Ахмед Иљазовски, во средината се Димитар Митровски, Аријан Адеми и Исник Алими, по крилнните позиции Александар Трајковски и Бојан Димоски, а во нападот Елиф Елмас и Милан Ристовски.
За прв пат капитенската лента ја доби Елмас.
Се очекува во второто полувреме да ги видиме и третиот голман Игор Алексовски, потоа Тодор Тодороски, Давид Бабунски, Дарко Чурлинов, Љупчо Дориев и Ердон Даци.
Натпреварот почнува во 15:00 часот на „Благој Истатов“ стадионот во Струмица, а директен пренос ќе има на МРТ1. Главен судија е Никола Дабановиќ од Црна Гора.