Единсон Кавани даде интервју за француски L'Équipe во кое зборуваше за заминувањето од ПСЖ и за трансферот во Манчестер Јунајтед.
Уругваецот откри дека по заминувањето од ПСЖ имал понуди од голем број големи клубови, но и дека ги одбил. Меѓу нив биле понудите на Јувентус и милански Интер.
„Имав понуди од Интер и од Јувентус. На Јувентус му требаше напаѓач веднаш, а на Интер во случај Лаутаро Мартинез да заминеше во Барселона. И двете понуди ги одбив од почит кон Наполи“, рече 33-годишниот Кавани.
Кавани играше за Наполи од 2010 до 2013 година и не заборави колку навивачите во Неапол го обожаваа.
