Уругвајскиот напаѓач своите голови ги прославува фрлајќи замислена стрела од замислен лак, а сега даде објаснување што му значи тоа.
„Прославите ги имам променето неколку пати. Последнава доаѓа од детството, кога почнуваш да учиш и да добиваш знаење за нешта кои се случувале пред многу години“, објаснува Кавани за клупската веб-страница.
„На некој начин е поврзано со мојот народ, нашите домородни Уругвајци. Длабоко во мене ги чувствувам различните генерации од мојата фамилија, јас имам корени кое одат наназад сѐ до тие времиња“.
„Ми дојде на ум дека можам да прославувам со тоа што ќе земам стрела и ќе ја исфрлам. Тоа е тоа парче историја зад прославата, кое на некој начин се објаснува и преку името на мојата ќерка, Индиа“.
Кавани има италијанско, шпанско и домородно уругвајско потекло. Од лани ги брани боите на Манчестер Јунајтед откако претходно седум сезони полнеше мрежи во дресот на ПСЖ, а преттоа играше и за Наполи, Палермо и Данубио. Како долгододишен репрезентативец на Уругвај со 123 одиграни натпревари е четврти на вечната листа на репрезентативни настапи, а со 53 голови е втор најдобар стрелец.