Како би изгледал iPhone што се преклопува? Група кинески инженери се обидоа да одговорат на ова прашање.
Долго се зборува за iPhone телефон на преклопување, но како што тоа обично се случува, компанијата Apple не сака да ја имплементира новата технологија сѐ додека не биде апсолутно сигурна дека ќе функциоира според најновите стандарди, поради што често е и предмет на потсмев, како на пример задевања од конкурентните компании.
Сепак, кинеската компанија The Aesthetics of Science and Technology (AST) објави дека го направила првиот iPhone на преклопување, со големи модификации. Инженерите велат дека оваа верзија на телефон ја направиле користејќи резервни делови од Motorola RAZR уреди, сопствени 3D принтани елементи и екран од телефонот iPhone X, кој станал флексибилен со замена на стаклото и слоевите за препознавање на допир.
Резултатот е секако импресивен, но и очекуван - неофицијалниот Apple на преклопување изгледа како плод од љубовта помеѓу iPhone и Galaxy Z Flip уредите, преполн со компромиси кои доаѓаат со прилагоден дизајн. капацитетот на батеријата е намален, безжичното полнење е вклопено, отпорноста на уредот е речиси непостоечка, а кога се преклопува телефонот остава голема празнина.
Најновите гласини тврдат дека компанијката Apple веќе наредната година би можела да го претстави својот прв уред на преклопување, но и дека тоа всушност воопшто нема да биде iPhone, туку модел сличен на iPad таблетите. Се разбира, останува да видиме дали тоа ќе се оствари, а кинеските инженери ни дадоа одличен увид во тоа како би можел да изгледа уред на Apple на преклопување.