Левиот бек на македонската фудбалска репрезентација, Кире Ристевски, на три недели пред стартот на Европското првенство ги смени клупските бои и потпиша договор со кипарскиот прволигаш АЕЛ.
Триесетгодишниот македонски дефанзивец премина во АЕЛ (Атлитики Еноси Лемесу) од редовите на унгарскиот прволигаш Ујпешт, потпишувајќи со клубот од Лимасол договор на две години, со можност за продолжување на соработката за уште една година.
Ристевски е четвртиот фудбалер во кипарското првенство од списокот со 26 репрезентативци што селекторот Игор Ангеловски го објави денеска за настап на ЕУРО, по голманот Дамјан Шишковски од Докса и играчот од средниот ред Стефан Спировски и напаѓачот Иван Тричковски кои ги бранат боите за АЕК од Ларнака.
Битолчанецот има 45 настапи за Македонија за која дебитираше во април 2014 година. Кариерата ја почна во Пелистер, а настапуваше и за Елбасани, Билис Балш и Тиранва во Албанија, Славија во Бугарија, Работнички, како и унгарски Вашаш.
Од Ујпешт си заминува со освоена титука во Купот на Унгарија.
