Најновите податоци покажаа кое есенско овошје е високо контаминирано со најопасните пестициди.
Податоците на организацијата PAN Europe (Pesticide Action Network) покажуваат дека есенското овошје ги поседува најопасните пестициди. Дури и минималната консумација на ова овошје штети на здравјето.
Според официјалните податоци, извештајот покажа дека голем дел од европските круши (49%), грозје (44%), јаболка (34%), сливи (29) и малини (25%) се третирани со многу опасни пестициди, а потоа и така пласирани на пазарот иако е познато дека влијаат на развојот на бројни здравствени проблеми.
Организацијата предупредува дека дури и многу малите дози се штетни за здравјето, а се наведува дека меѓу најзагадените биле крушите од Португалија, Белгија и Холандија.
Сличен е случајот и со јаболката – најзагадени се од Холандија, а потоа од Грција и Португалија.
„Треба да се измијат темелно за да се отстранат пестицидите од површината (фунгициди кои се користат за спречување на расипување во текот на складирање и транспорт). Но, многу современи пестициди се системски што значи дека се апсорбираат во билката и се дистрибуираат по нејзиното ткиво. Поради тоа остатоци од пестициди често има во телото на самиот производ, па миењето од површината не ги отстранува“, вели Ник Мол од британскиот огранок на PAN организацијата.
