Треба да се биде умерен во сѐ.
За многумина, тестенините се, на сите можни начини, омилено јадење. Сепак, има време кога тестенините едноставно се премногу и телото ни дава до знаење со не баш пријатни појави.
Ова се петте главни последици од јадењето премногу тестенини од бело брашно.
Може да се зголеми ризикот од дијабетес
Постојат многу фактори кои влијаат на појавата на дијабетес, вклучувајќи ги гените и начинот на живот. Според некои студии, исхраната богата со јаглехидрати е исто така поврзана со висок ризик од дијабетес.
Не ги внесувате потребните хранливи материи
Ако јадете тестенини неколку пати неделно, тоа може да значи дека ви недостига разновидност во исхраната и затоа ви недостасуваат клучните хранливи материи.
Наместо постојано да јадете исто, направете некои промени за вашето тело да ги добие потребните витамини и минерали. Можете исто така да пробате, да речеме, тестенини од леќа, хелда или интегрално брашно кои имаат повеќе влакна и протеини од обичните.
Зголемен ризик од срцеви заболувања
Доколку често јадете бели тестенини можно е да имате зголемен ризик од срцеви заболувања. Имено, една студија ги поврзува преработените јаглехидрати со зголемен ризик од срцеви заболувања.
Висок притисок
Една студија го поврзува јадењето преработени тестенини со високиот крвен притисок. Ова за возврат го зголемува ризикот од срцеви заболувања. Најдобро е тестенините да бидат само повремен оброк.
Премногу калории
Ако јадете тестенини во ограничени порции, тоа не е поврзано со зголемување на телесната тежина. Но, тоа е храна со која често се прејадуваме, а со тоа внесуваме премногу калории, а тоа резултира со дебелеење.
