Начинот на кој се децата воспитани и израснати во најраните години од животот имаат големо влијание на нивното однесување, но и на начинот на кој го перципираат светот и комуницираат со другите откако ќе пораснат.
Истражувањата покажуваат дека 90% од детскиот мозок се развива до петтата година, односно пред детето да тргне на училиште.
Тоа значи дека до неговото заминување во училиште одреден тип на однесување е вкоренет и е дел од неговата личност, пишува The Sun.
Пресудна улога во тоа имаат родителите, а истото го потврдува и учителката Аманда Барнс која откри кој тип на родители ги одгледуваат најнепослушните деца.
„Родителите кои попуштаат ретко им даваат или спроведуваат правила во домот и претерано му попуштаат на детето за да избегнат какви било конфликти. Кога децата во домот немаат структура, тоа може да резултира со проблеми на училиште. Детето или ќе напредува, бидејќи во училиште има структура и граници кои му недостигале, или ќе им пркоси на учителите и ќе покаже неуспех. Кај учениците со попустливи родители забележуваме дека намерно ен ги извршуваат задачите бидејќи мислат дека не мора да ги почитуваат правилата, исто како што прават и дома“, објаснува Барнс.
Иако смета дека детето треба во некои работи да има слобода, истакнува дека мора да постојат одредени правила и граници, а правилата и границите ги носат родителите.
„Родителите мора да знаат кога е време да им попуштат на желбите на детето, но и кога е потребно да истраат на носењето правила. Многу родители не знаат дека всушност детето сака да има одредени граници, така се воспитуваат послушни, среќни и самоуверени деца“, советува Барнс.
