Борусија Дортмунд речиси сигурно ќе остане без Ерлинг Холанд летово.
Неверојатниот Норвежанец, кој постигна 49 голови на исто толку настапи за клубот, е мета на најголемите европски клубови.
Холанд има клаузула во договорот со Борусија, според која може да биде купен за 70 милиони евра летото 2022 година, но тешко е да се очекува дека некој од заинтересираните клубови ќе почека уште една година.
Холанд е голема желба на Реал Мадрид, каде Флорентино Перез сака да го поврзе со Килијан Мбапе во нападот. Заинтересиран е и Манчестер Јунајтед, каде за малку и ќе завршеше пред една година, како и Челси, но наводно најблиску до потписот на Холанд е Манчестер Сити.
Но, како што пишува ESPN, Борусија сака да го задржи својот најдобар играч уште една година, па летово ќе побара 180 милиони евра за него. Германците се свесни колку е Холанд баран на пазарот, но и дека следното лето може да го изгубат за многу помалку пари.
Во Борусија на овој начин сакаат да бидат во „win-win“ ситуација. Ако сега добијат 180 милиони евра за 20-годишниот Хoланд - добро , ако им остане уште една година – пак добро.
Реал Мадрид добро помина низ КОВИД-кризата, но за да можат да купуваат, ќе мора да продадат некого. Челси летово потроши 250 милиони евра на нови играчи, па тешко е да се очекува дека Абрамович ќе даде уште 180 милиони летово, а Сити е единствениот клуб што може да плати толку многу без поголеми проблеми.
