Петина пациенти кои закрепнале од коронавирусот SARS-CoV-2 најверојатно ќе развијат некоја психичка болест, соопштија истражувачи од Универзитетот Оксфорд, по студија која покажала дека 20 проценти од инфицираните добиле ментални проблеми во рок од 3 месеци.
Најчести нарушувања се анксиозност, депресија и несоница, но истражувачите откриле и голем ризик од деменција, пренесе Reuters.
„Луѓето се загрижени дека излечените пациенти од корона се во поголема опасност од добивање ментални заболувања, а нашите истражувања покажаа нешто слично“, вели Пол Харисон, професор по психијатрија на Универзитетот Оксфорд.
Лекари и научници од светот се трудат што побрзо да ги утврдат причините за менталните нарушувања и да пронајдат одреден третман за лекување на психата, по лекувањето од короната.
„Здравствените служби мора посебно да обрнат внимание, посебно затоа што нашите истражувања за бројот на ментални нарушувања ќе се земат со резерва“, додава докторот.
Студијата е објавена во Lanset, по анализа на податоци од 69 милиони луѓе во САД, вклучително и 62.000 инфицирани со вирусот. Резултатите исто така покажале дека луѓето кои пред заразувањето имале ментални проблеми, имаат 65 проценти поголеми шанси да заболат, за разлика од оние кои немале такви проблеми.