На последниот ден од преодниот рок Тотенхем го купи Дејан Кулушевски од Јувентус, а играчот денеска откри дека не само што отсекогаш сакал да игра вио Премиер лигата, туку и сакал да работи под Антонио Конте.
Швеѓанецот со македонско потекло доаѓша на 18-месечна позајмица која ќе го чини тимот од Северен Лондон 10 милиони евра со тоа што целокупната сума може да достигне дури до 45 милиони.
Кулушевски веќе беше претставен во Тотенхем, а на своето прво интервју откри и зошто го одбрал токму овој клуб.
„Многу сум среќен што сум тука. Важно е да биде забавно играњето. Се преселив во Аталанта во Бергамо кога имав 15 години, беше интересно, но и тешко. Многу ми недостасуваше фамилијата, дури и ден денес, иако е поинаку. Беше фантастично искуство и се сеќавам на сѐ. Една година минав на позајмица во Парма каде по само неколку дена почнав да се чувствувам комотно и оттогаш уживам во фудбалот“, почна тој.
Во јануари 2020 година Јувентус го купи од Аталанта за 44 милиони евра, но го остави да игра во Парма сѐ до летото.
„Во Јувентус имав две интензивни години со двајца различни тренери. Научив многу играјќи со некои од најдобрите играчи на светот. Беше одлично искуство, но Премиер лигата е најдобрата лига во светот, онаа која секогаш ја гледаме во Шведска. Едноставно, ова е поинаков свет. Секогаш си мислев: 'Кога ќе одам таму, кога ќе одам таму'. Сега ми се отвори можност и не размислував двапати“.
Во Тотенхем ќе соработува со Антонио Конте кој сакаше да го донесе во Интер кога Дејан потпиша за Јуве.
„Едвај чека да почнам да работам со тренерот. Го знам од Интер, тој е победник, а тоа сакам да бидам и јас. Воедно, тој е и дел од причината поради која дојдов тука. Ќе го слушам, тој знае што зборува, а неговите тимови секогаш работат напорно и поради тоа и го почитувам“, заврши Дејан.
Кулушевкси може да дебитира уште в сабота кога Тотенхем на домашен терен го пречекува Брајтон.
